Twin Tin Bots

Veglegt og skemmtilegt borðspil frá höfundi Small World

Kristall er framtíðin! sagði starfsmaðurinn á ráðningaskrifstofunni og nú ertu komin/n á hjara veraldar með nokkrum samstarfsfélögum og fullt af vélmennum. Þú getur að minnsta kosti skemmt þér vel með vélmennununum!

Twin Tin Bots er veglegt og skemmtilegt borðspil sem kennir einfalda forritun og þjálfar skipulagshæfni. Leikborð er tvískipt eftir því hvort 2-4 eða 5-6 leikmenn eru að spila. Hver leikmaður hefur tvö vélmenni til umráða og notar þau til að ná í eins mikið af kristöllum og hann kemst yfir og fara með þá í höfuðstöðvar. Vélmennunum er stýrt með einfaldri röð skipana (skífum) en samskipti eru takmörkuð: Þú verður að skipuleggja fyrirfram þar sem aðeins er hægt að breyta einni skipun í hverri umferð. Getur þú unnið í haginn, skipulagt þig vandlega og safnað fleiri kristöllum en samstarfsfélagar þínir?

Ítarlegar leikreglur fylgja sem innihalda m.a. einfaldaðar reglur til að spila með yngri krökkum og aukareglur sem hægt er að bæta ofaná grunnleikinn til að gera hann enn stærri og skemmtilegri!