Zombie 15

15 mínútur til að lifa af!

Verulega vandað og bráðskemmtilegt samvinnuspil sem gerist í rauntíma. Allir sem eru eldri en átján ára hafa breyst í uppvakninga og þá hungrar í ferskt hold… Leikmenn eru í litlum hópi 15 ára eftirlifenda og þurfa að vinna saman til að ná árangri. Hætturnar leynast víða en leikmenn þurfa að ferðast í gegnum bæinn til að finna vopn, húsaskjól, mat ofl. Einnig þurfa þeir að finna annað fólk sem enn er á lífi og reyna að komast að upptökum uppvakningafaraldursins.

Zombie 15 nafnið er dregið af því að spilað er í rauntíma og leikmenn hafa aðeins 15 mínútur til að sigrast á uppvakningunum og lifa af. Geisladiskur fylgir sem hjálpar til við að skapa drungalega stemningu en einnig til að passa upp á 15 mínútna regluna. Hér gildir samvinna, hugvit og hraði framar öllu. Leikmenn þurfa að taka erfiðar ákvarðanir á mettíma.

*Spilið er á ensku