Tribes

Ættbálkar

Spennandi kænskuspil fyrir 2-4 leikmenn, 10 ára og eldri, frá Thames&Kosmos. Leikmenn upplifa 30.000 ár af siðmenningu á innan við klukkustund. Spilað er í hröðum umferðum sem leiða leikmenn í gegnum þrjú tímabil, síðari hluta fornsteinaldar, nýsteinöld og bronsöld. Þið kannið óþekkt lönd og finnið verðmætar auðlindir sem leiða til tæknilegra og félagslegra afreka. Þið verðið að undirbúa ættbálkinn undir óvæntar uppákomur eins og náttúruhamfarir og grípa þau tækifæri sem gefast til að menning ykkar megi blómstra og þróast. Sá sem afrekar mest sigrar leikinn. Spil sem reynir á kænsku, heppni og góða dómgreind.