Matur og meiri matur

Bókin hefur að geyma 100 ljúffengar uppskriftir að fjölbreyttum mat eins og kaflaheitin bera með sér: súpur, pasta, samlokur, salöt, fiskréttir, kjötréttir og eftirréttir. Eingöngu er notað hollt og gott hráefni sem auðvelt er að nálgast. Uppskriftirnar eru einfaldar í framkvæmd og sniðnar að getu almennings. Höfundur útskrifaðist frá Hótel- og veitingaskólanum árið 1994 og hefur síðan starfað við matreiðslu, m.a. á Horninu og Café Mílanó. Hann hefur því mikla reynslu af matargerð sem honum tekst að miðla skilmerkilega til lesenda. Hér ættu allir að finna eitthvað við sitt hæfi, hvort sem elda á einfaldan hversdagsmat eða bjóða til veislu. Verði ykkur að góðu.