Keyflower

Spennandi og skemmtilegt spil frá Huch! Fyrir 2-6 leikmenn, 13 ára og eldri. Spilað er í 4 umferðum en hver umferð táknar árstíð. Leikmenn reyna að byggja upp og fjölga í þorpum sínum til að fá sigurstig. Hver leikmaður byrjar með eina heimaflís og 8 vinnuhjú í mismunandi litum sem notaðir eru til að bjóða upp í fleiri heimaflísar til að stækka jörðina. Einnig eru vinnuhjúin notuð til að búa til verðmæti. Á þremur fyrstu árstíðunum koma vinnuhjú með skipum eins og Keyflower og færa með sér iðn og þekkingu til að vinna úr auðlindum og þorpsflísar eru settar á uppboð af handahófi. Á veturnar kemur enginn með skipunum og leikmenn velja þorpsflísar fyrir uppboðið úr þeim sem þeir fengu í upphafi leiks. Fyrir hverja vetrarþorpsflís fást möguleg sigurstig fyrir ákveðnar samsetningar auðlinda, mannauðs og vinnufólks og sá sem á flest sigurstig í lokin sigrar. Stórskemmtilegt spil sem reynir kænsku, skipulag og dirfsku og breytist við hverja spilun.