Baba Yaga

Skemmtilegt spil sem er byggt á klassísku ævintýri

Þú hefur sloppið úr híbýlum alræmdu nornarinnar Baba Yaga og finnur flóttaleið í gegnum skóginn. Nornin fylgir fast á hæla þína í stórum fljúgandi potti. Til að komast undan þarftu að fremja þrjá seiðgaldra en innihaldsefnin fyrir þá er að finna á víð og dreif um þennan sérstaka töfraskóg. Þú mátt engan tíma missa! Nornin hefur næmt þefskyn og er aldrei langt undan!

Baba Yaga er stórskemmtilegt og líflegt minnisspil fyrir alla fjölskylduna sem er auðvelt að læra og gaman að spila aftur og aftur. Sígilda slavneska ævintýrið um Baba Yaga fylgir með á ensku. Spilið selst í skemmtilegum kassa sem er eins og bók að lögun og stærð. Smellpassar í bókahilluna!