Andor The Family Fantasy Game

Upplifið ævintýri í landi goðsagna! Skemmtilegt samvinnu- og fjölskylduspil frá Thames & Kosmos fyrir 2-4 leikmenn, 7 ára og eldri. Leikmenn taka sér hlutverk einnar af þessum hetjum: galdramaðurinn, stríðsmaðurinn, bogskyttan eða dvergurinn.  Hetjuleiðangur ykkar byrjar á því að bjarga nokkrum úlfahvolpum sem eru fastir í hættulegri námu. Áður en leitin hefst þurfið þið að komast framhjá brúarverðinum Mart með því að leysa þau verkefni sem hann leggur fyrir ykkur. En þegar komið er yfir brúna bíða frekari hættur því dreki stefnir á kastalann í Rietburg á sama tíma og þið stefnið á námuna. Ef hann kemst að kastalanum áður en þið bjargið úlfahvolpunum, tapið þið leiknum en ef þið eruð fyrri til að bjarga þeim sigrið þið!

Spilið er áþekkt hinu vinsæla Legends of Andor en gangverkið er einfaldara og hentar því yngri leikmönnum til að kynna þá fyrir allri Legends of Andor spilaseríunni.