The Chameleon

Auðspilanlegt og bráðskemmtilegt spil, tilvalið sem upphitun fyrir spilakvöldið.

Í byrjun leiksins draga allir spjald af handahófi og aðeins einn fær Kamelljónið. Markmið leiksins er að leikmenn komist að því hver kamelljónið er. Í hverri umferð er spjald með 16 myndum sýnilegt fyrir alla og allir leikmenn eiga að skiptast á að nota eitt orð til að lýsa hlutnum á myndinni. En bara þeir sem ekki eru Kamelljón vita hvaða mynd á að gefa vísbendingu um. Kamelljónið vill ekki að neinn viti að hann sé kamelljónið og þarf því að þykjast vita hvaða orði á að lýsa og segja orð sem honum þykir líklegt að hinir fatti ekki.  Þegar allir hafa gefið frá sér eitt orð er komið að því að leikmenn giski hver Kamelljónið er!