Rauða húfan

Það eru hvít jól. Lítill broddgöltur vaknar af djúpum vetrarsvefni. Honum er kalt – svo kalt að hann getur ekki sofnað aftur. Jólasveinn gefur honum rauða ullarhúfu. En það er sama hvernig litli broddgölturinn togar húfuna til, alltaf eru broddarnir hans fyrir. Hann getur ekki notað húfuna! Þá fær litli broddgölturinn hugdettu og í framhaldinu verður húfan að bestu gjöf sem hægt er að hugsa sér. Fylgstu með ævintýrinu um litla broddgöltinn í þessari töfrandi sögu um vináttu. Fallega rauða húfan í sögunni er úr filti, fullkomin fyrir litla fingur.