8-Bit Box

Frábær borðspilapakki frá Iello sem sameinar borðspil og tölvuleiki, þ.e.a.s. tölvuleikir eru settir í borðspilaform og reynt að líka eftir tölvuleikjaupplifuninni með ‚fjarstýringum‘ sem gerir leikmönnum kleift að ákvarða átt, merki og gildi sem notuð eru í leikunum. Í kassanum eru þrjú spil; Pixoid, Outspeed og Stadium.

Pixoid

Spennandi völundarhúsaleikur yrir 3-4 leikmenn, 6 ára og eldri. Einn leikmaðurinn leikur Pixoid sem er á flótta undan böggunum sem elta hann um leikborðið. Skiptst er á að leika Pixoid í hverri umferð og sá stigahæsti í lok leiks sigrar.

Outspeed

Kappaksursleikur fyrir 3-6 leikmenn, 8 ára og eldri. Þetta er enginn venjulegur kappakstur heldur kappakstur um geiminn á geimflaugum! Leikmenn nota fjarstýringarnar til að ákveða stefnu sína og reyna að vera fyrstir í mark. Einnig þarf að beita kænsku og leggja stein í götu andstæðinganna, sem og að gæta að eigin geimskipi.

Stadium

Íþróttaleikur fyrir 4 eða 6 leikmenn, 10 ára og eldri. Leikmenn nota fjarstýringarnar til að setja ákveðið orkumagn í hverja þraut og reyna að vinna verðlaun. Stundum þarf að vinna í liði og stundum á eigin spýtur. Sá sem hefur flest sigurstig í leikslok sigrar.