Stratego orginal

Stratego – Klassíska útgáfan!

Nýtt (en samt ekki nýtt) og endurbætt útlit! Horfið er aftur til útlitsins frá 9. og 10. áratugnum sem vekur ljúfa nostalgíu í brjóstum gamalla aðdáenda sem nú ættu að vera á réttum aldri til að kynna þetta skemmtilega spil fyrir börnunum sínum!

Í þessari endurbættu útgáfu má einnig vinna nýtt þjálfunarverkefni fyrir þá sem hafa ekki spilað Stratego áður. Það er fljótlegri útgáfa af leiknum með færri íhlutum (10 í stað 40). Þetta hjálpar til við að kynnast reglunum.

Stratego er klassískur herkænskuleikur fyrir 2 í örlítið uppfærðum búningi. Þetta borðspil er um margt líkt hinni klassísku skák í uppsetningu og uppbyggingu. Hver leikmaður er með sinn eigin her: 40 leikpeð á borði með mismunandi tign og þar af leiðandi vægi. Tilgangur leiksins er að yfirtaka fána andstæðingsins eða lama hann með því að ná það mörgum leikpeðum af honum að hann getur ekki hreyft sig. Þar sem leikmenn geta ekki séð tign leikpeða hjá hvorum öðrum reyna þeir eftir bestu getu að afvegaleiða andstæðinginn og leika á hann.

Hægt að spila þrjá mismunandi leiki:

1. Stratego Duel
2. Stratego Original
3. Stratego Infiltrator